Skip to main content

    Waarom betaal boere aan die Vergoedingsfonds?

    Elke boerdery in Suid-Afrika moet geregistreer wees by die Vergoedingsfonds in terme van die Wet op Vergoeding vir Beroepsbeserings en Siektes (COIDA). Die boer betaal elke jaar 'n aanslag op sy werkers se lone. Daarmee is werkers gedek vir mediese koste, lone terwyl hulle van diens af is, en vergoeding by permanente besering. Boerderye betaal van die hoogste tariewe van alle sektore, so dit is die moeite werd om seker te maak dat jy nie meer betaal as wat jy moet nie.

    INSETKOSTE 2026
    Die minimumloon kan jy nie beheer nie. Jou COIDA-heffing kan jy wel beheer.

    Boere is prysnemers: wanneer insetkoste styg, kan dit selde aan die verbruiker oorgedra word. Daarom tel elke koste wat jy wel kan verlaag. Baie boere met 'n pakhuis betaal steeds die boerderytarief van 2,65% op pakhuiswerkers se lone, terwyl 'n pakhuis-subklas so laag as 0,51% kan wees.

    Bespreek 'n gratis registrasie-oorsigSien die besparing
    Aanslagtarief op lone
    Boerdery (grondbewerking en bosbou)2,65%
    Pakhuis verwerking-subklas0,81%
    Pakhuis verpakking-subklas0,51%

    Dieselfde werker, dieselfde loon – tot vyf keer minder heffing, mits die pakhuis korrek geregistreer is.

    +30%
    Minimumloon sedert 2022
    Van R23,19 na R30,23 per uur. Buite jou beheer.
    +18%
    Tarief vir plaaswerkers
    Subklas 0114: van 2,25% na 2,65%.
    −37%
    Tarief vir pakhuiswerkers
    Subklas 0612: van 0,81% na 0,51%.
    Insetkoste en COIDA die afgelope vyf jaar

    Lone styg, plaastarief styg, pakhuistarief daal

    Die minimumloon is die grootste inset wat die boer nie kan beheer nie, en omdat COIDA as 'n persentasie van lone bereken word, styg jou COIDA-rekening saam met elke loonverhoging. Terselfdertyd het die tarief vir plaaswerkers elke jaar gestyg en die tarief vir pakhuiswerkers elke jaar gedaal. Is jou pakhuiswerkers saam met die plaaswerkers geregistreer, betaal jy die duurste tarief op die duurste lone.

    Minimumloon en COIDA-tariewe vir plaas- en pakhuiswerkers, 2022 tot 2026

    Diesel, kunsmis en elektrisiteit is ander insetkoste wat ook buite jou beheer is.

    Boerdery-subklasse en pakhuise

    Nie elke werker op die plaas dra dieselfde risiko nie

    Die Vergoedingsfonds deel werkgewers in subklasse in, elk met sy eie aanslagtarief volgens die risiko van die werk. Wanneer pakhuiswerkers saam met plaaswerkers geregistreer is, betaal jy die hoër boerderytarief op hulle lone ook.

    Plaaswerker pluk sitrus in die boord
    2,65%
    Plaaswerker · subklas 0114
    Pakhuiswerker verpak sitrus
    0,51%
    Pakhuiswerker · subklas 0612
    SubklasWat dit dekTarief
    0114Grondbewerking (gewasse, boorde, wingerde) en bosbou2,65%
    0612Pakhuis: sortering, gradering en verpakking van vrugte0,51%
    0613Pakhuis: verwerking van vrugte en groente0,81%

    Tariewe volgens die Vergoedingsfonds se tarieweregulasies (Staatskoerant 43959 van 2020 en 44409 van 2021).

    Die dominante werk tel

    Die Fonds klassifiseer 'n werkgewer volgens wat die besigheid hoofsaaklik doen. 'n Pakhuis met sy eie werkers en bedrywighede kan as 'n aparte tak geregistreer word.

    'n Verkeerde subklas is regstelbaar

    As jou geregistreerde subklas nie meer pas by wat jy doen nie, kan daar by die Fonds aansoek gedoen word om dit reg te stel.

    Elke jaar weer

    Die besparing is nie eenmalig nie. Dit herhaal elke keer wanneer jy jou jaarlikse verdienste verklaar, en groei saam met jou loonstaat.

    Bereken self

    Hoeveel betaal jy te veel?

    Beantwoord vier vrae oor jou pakhuis. Die sakrekenaar wys dan hoeveel COIDA jy nou op jou pakhuiswerkers betaal, en hoeveel jy sal betaal as die pakhuis apart in die regte subklas geregistreer is.

    100 werkers
    8 maande
    R5 895 is die minimumloon vir 'n voltydse werker (R30,23 per uur). Pas dit aan as jou werkers meer verdien.

    Wat jy nou betaal, as die pakhuiswerkers saam met die plaaswerkers geregistreer is (2,65%)
    Wat jy sal betaal as die pakhuis apart geregistreer is (0,51%)
    Jou besparing per jaar

    Die berekening is 'n skatting: werkers × maande × maandloon = jaarlikse lone, en COIDA = lone ÷ 100 × tarief. Die plaaswerkers se lone verander nie en word nie hier ingesluit nie. Werklike bedrae hang af van jou loonstaat, die verdienste-plafon en die Fonds se kennisgewing van aanslag.

    Ons rekord

    Wat ons reeds vir boere bereik het

    39
    Pakhuise apart geregistreer

    Met 'n gemiddelde besparing van R368 000 (42%) op die aanslag.

    200
    Boerderye gehelp

    Boerderye gehelp met COIDA-probleme by die Vergoedingsfonds, insluitend dié wat verkeerd geregistreer was.

    R2,5 miljoen
    Lone teruggeëis

    Lone aan beseerde werkers betaal, van die Vergoedingsfonds ingevorder. 1 000 werksbeserings verwerk.

    Francois Rossouw met sy Jongboer van die Jaar-trofee
    "Selfs met 'n sterk menslike hulpbronne- en finansiële afdeling was daar sake waarvan ons nie bewus was nie … Stephan het ons gehelp … om ons pakhuiswerkers wettig apart te registreer, wat groot besparings meebring. … Ons is nou in ons tweede kontrak met hom en sy fooi is 'n druppel in die emmer teenoor die voordeel. … Stephan is die regte ou vir die job."
    Francois Rossouw, AGRI Wes-Kaap en AGRISA Jongboer van die Jaar 2025
    Vir elke gewas met 'n pakhuis

    Ons help boere met pakhuise regoor die land

    Tafeldruiwe word in die wingerd gepluk
    Tafeldruiwe
    Perskes word in die boord gepluk
    Sagtevrugte
    Bloubessies word gepluk
    Bessies
    Avokado's, mango's en lietsjies op die plaas
    Subtropiese vrugte
    Aartappels word op die land geoes
    Aartappels

    Hoe ons jou help

    01

    Gratis oorsig

    Ons kyk na jou huidige registrasies: hoeveel entiteite, watter subklasse, en waar pakhuiswerkers tans aangegee word.

    02

    Besparing bereken

    Op grond van jou loonstaat wys ons presies wat die verskil tussen die boerdery- en pakhuistarief vir jou beteken.

    03

    Aparte registrasie

    Ons hanteer die aansoek by die Vergoedingsfonds om die pakhuis as aparte tak in die korrekte subklas te registreer.

    04

    Bly in goeie stand

    Ons verklaar jou jaarlikse verdienste elke jaar korrek, sodat jou Brief van Goeie Stand geldig bly vir uitvoer en kontrakte.

    Het jy 'n pakhuis op die plaas?

    Laat ons kyk of jy te veel COIDA betaal. Die oorsig is gratis en sonder verpligting.

    Maak 'n gratis afspraak

    064 360 2638 · support@workaccident.co.za · Ons help in jou taal.

    In die media

    Kyk en luister

    Landbouweekliks: Die Wet op Beroepsbeserings en siektes

    Meer as Grond, seisoen 1, episode 6